مـنــتــديــات الــعــاشــق

اهمومي ماتعداها ارقام ونمر 656583394

مـنــتــديــات الــعــاشــق


 
الرئيسيةس .و .جبحـثعملية التسجيل في المنتدىمركز تحميل الصور والملفاتدخولالتسجيل
أهـــلاً وســهــلاً بـــــكـــم فــــي مــنــتــديـــات الـــعـــاشـــق .. نـتــشــرف بــزيــارتــكــم لــنــا ونــتــمــنــى لــكــم الــمــتــعــة والــفــائــده .. تـحــيــات " أحــمـــد الــركــابــي " مــديــر الـمـوقــع
تــنــويـــة / لــلاتــصــال حــول الاعــلانـــات والاشــراف وعـــن الــمــشــاكـــل الــتــي تــواجــهــك فــي تصــفـــح الــمــنــتــدى يــرجـى الاتــصـال عــلــى الارقـــام الــضــاهــره مـن داخـل الــعراق ( 07818566902 ) خـارج الـعـراق ( 009647818566902 ) تـحــيــات ادارة الموقع

شاطر
 

 اهمومي ماتعداها ارقام ونمر

اذهب الى الأسفل 
كاتب الموضوعرسالة
حسين الهلالي
مـشـرف عــام ( 1 )
مـشـرف عــام ( 1 )
حسين الهلالي

تاريخ التسجيل : 01/12/2008
العمر : 30
عدد الرسائل : 92
ذكر
تاريخ الميلاد : 08/07/1989
الابراج : السرطان
العمل/الترفيه : جيد جدا
المزاج : ممتاز

اهمومي ماتعداها ارقام ونمر Empty
مُساهمةموضوع: اهمومي ماتعداها ارقام ونمر   اهمومي ماتعداها ارقام ونمر Icon_minitime2010-01-20, 8:47 pm


اهمومي ماتعداها ارقام ونمر
متى نكدر نفوت اعليك ونمر
دليلي اعلى المصايب صلف ونمر
يضحك والدهر محرب عليه

تعابيني بحجي الواشين والنوم
وانا والله ونيني اعليك والنوم
شوف الجسد مني ركد والنوم
حاربني وفلا يعتاد اليه

الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه

علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه

الكباحه دوم من اشفاك تنباع
ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه

الالم يتسلي بدموعي ويلها
واندل السكم روحي ويلها
وجعها آه من نزفه ويلها
كلبي والجفه انولدوا سويه

انتهينا وايست منك وضعنه
وكل واحد منشي بدربه وضعنه
كضه وياك واتبدل وضعنه
امئيس واغسلت منك اديه

اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه

العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه

يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه

بعد هيهات اولمهم وراهم
عجاج الظعن عن عيني وراهم
جفوني وظلت اعيوني وراهم
احشبحه او افراك براحات اديه

الواحد ما يصير اثنين بالقيد
ولا عندي حجي العذال بالقيد
دخيل اليسروه للشام بالقيد
يلين المايحن كلبه عليه

صحت الغوث من دنياي وناس
منهم ماشفت بالكدر وناس
هذا الكطع ذاك الغفل وناس
استغيث بخالقي رب البريه

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه

الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه

سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه

من منكم علي نشد من سال
جفيتوا وبجفاكم صوت من سال
اشعندي غير دمع العين من سال
اخفف بيه مصار الصار بيه

يناهي لاتشد باراس وبره
تظن منك دليلي يسل وبره
انا جمدوب اكد للظعن وبره
الظعن واهل الظعن شحو عليه

يلوم المادره بروحي شمرها
مايدري الدهر عن ودهم شمرها
ليالي افراكهم والله شمرها
أمر من المنازع بالمنيه

بروح الهوى عيب ابكه ولا خل
انازع والعكل صاحي ولا خل
ابكوتك ما الي صاحب ولا خل
سواك وحرمت وصلك عليه

شوف اشسال من جرحي وشده
وعلي تصعب مداواته وشده
نخيت اشجم خوي بهمه وشده
يصير اصعب من اعدائي عليه

وحك اللي تعبده الناس منشاف
الدمع من يومكم لليوم منشاف
الف ياحيف شفي انكطع منشاف
بعد هيهات جمعتنا سويه

علي معانقك ياترف ويبات
وعون النادمك للفجر ويبات
العاشق دوم يرع النجم ويبات
تجتلونه وعد الله خطيه

الكلب شاجر على ابن أمه وداوي
تضعضع ونهدم ركنه وداوي
لا مجروح حتى اكعد وداوي
ولا غايب وكول يعود ليه

تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه

علام الدهر شتتن وطرنا
عكب ذاك الطرب بالهم وطرنا
الف ياحيف مكضيته وطرنا
ليالي اللي مضت متعود ليه


17/01/2010

حسين الموسوي


التوقيع
اهمومي ماتعداها ارقام ونمر 599233035
الرجوع الى أعلى الصفحة اذهب الى الأسفل
عـاشـق الـورد
الـمدير العام لمنتديات العاشق
الـمدير العام لمنتديات العاشق
عـاشـق الـورد

تاريخ التسجيل : 17/10/2008
العمر : 31
عدد الرسائل : 732
ذكر
عـلــم الــدولــة : العراق
مـديـنـة : بغداد
تاريخ الميلاد : 24/07/1988
الابراج : الاسد
العمل/الترفيه : فن الحاسوب
المزاج : نص ونص

اهمومي ماتعداها ارقام ونمر Empty
مُساهمةموضوع: رد: اهمومي ماتعداها ارقام ونمر   اهمومي ماتعداها ارقام ونمر Icon_minitime2010-01-21, 8:05 am

يسلمووو حسين منوررر المنتدى والله ومواضيعك احلى من روعه اتمنى لك التوفيق ,,, ننتضر منك الاحلى الله لايحرمنا منك خيووو
تقبل مروري


توقيع احمد الركابي

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://1988.3oloum.com
 
اهمومي ماتعداها ارقام ونمر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنــتــديــات الــعــاشــق :: .::||[-- ۞ ¨¨¨عـــشـــاق ألــــقــــســــــم ألادبـــي¨¨¨ ۞ --]||::. :: قـــســم الـشــعــر الــشــعــبــي-
انتقل الى: