ابيات جميلة لشاعر الجنون والتناقضات

لا تصفن تره تنزف الصفنات
وجرح الصفنه ما عاش اليضمده


[ندعوك للتسجيل في المنتدى أو التعريف بنفسك لمعاينة هذا الرابط]
شوف السده رغم امعارضه الماي
بس الماي ظل شابك السده


امر عليك ركبه تمر عليه سيف
وتريد بلايه دم سيفك احده


ردت مده وي غيرك حتى انساك
اكو غيرك شفت بي ماكو مده


ويامده التفيد وكلبي مشلوع
ورغم مشلوع انت تعيش عنده

.
.
.

احبك واجب اكرهك ممنوع
اشوفك مو حلو بس عيد ارسمك


اسولف وي اهلي بغير موضوع
اهلي اتسودنوا جي جبت اسمك


احسك مدري شنهي بين الاضلوع
اكطعت نفسي وعلي تفرض اشمك


اتروه من سمك حقي موجوع
وماترضالي اتروه من سمك


وتطشرني بحقد وتصيح اشاقيك
وافرح بالشقه والتم واضمك

.
.
.

بكيفك سوي كلشي انه غلطان
لان انه الي كتلك كول كيفي


اذبحتني وسيفك بدمي غركان
و تطالبني وتكلي جيب سيفي


اذبحتني ادنه اشبكك ممن تخاف
ماخفت الله خايف من نزيفي


كل حيفك اخذته مني يفلان
وكلت ياحيف ما كملت حيفي


اعزاز ضيوف كلبي ومشو الاعزاز
ولا واحد بقه بس انت ضيفي


بعدك بالكلب رغم الخلافات
والمسافات الغت بينك وبيني


ماينطيني كلبي ازعل وياك
بس انشالله كلبي ينطيني


اتوقع يجي فد يوم ونساك
بس اتمنه اموت وما يجيني


اعرفك مو الي بس انه اهواك
لان انت الوحيد المالي عيني

.
.
.

اريدك انت اي شي يغطي العين
[ندعوك للتسجيل في المنتدى أو التعريف بنفسك لمعاينة هذا الرابط]
حتى ماتصد بس الك هيه


واريدك عله بيه كون مابيك
انه وياك نتعاون عليه


وريدك انت ريح اتصير وحبال
وتهزني الريح ويفلتن اديه


حتى اطشر اني بكل الادروب
حتى منين ماتعبر عليه

حتى منين ماتعبر عليه


بقلم
شاعر الجنون والتناقضات
(((عبد الحسين الحلفي)))

مشكورررررررررررررررررررررررررر حبي احمدالركابي