اعتذار حبيب فقير لحبيبته الغنيه

لا تحط بيد الشمس واحلامي بيك
ولا تهيج على الفقير جروحه

ولا تكولي بعسرك ويسرك اعيش
وانت قصرك للسمه يمد روحه

عوفني بحالي تراني بلايه ايد
وانت شباجك زحل ما لوحه

شلون ما تدري الحلم جرح الفقير
ماتشوف احلامه كد جروحه

.

روحي مذبوحه ذبح وتريد اطير
منيلي حظ يطير المذبوحه

لا تأملني بحجي الما جاسه ظيم
جف ايدي دك بوب السمه المفتوحه

وحضي دك اثبات بجناحي الفقيره
لا يصعده ولا ينزل سطوحه

انت بعدك ما نمت فوك الحصير
وغمست لكمه ملح بملوحه

لا تلامسني بطرف صدك اذوب
اني من دم ولحم مو لوحه

ولا تمرجحني برمش عينك اخاف
انه ما شايف رمش مرجوحه

ولا تكولي اتمرجح شمالك تخاف
جنت اريدك للسمه توديني

بس اخافن ينكطع رمشك واطيح
وباجر تكولي طحت من عيني

روح دورلك محب يرهم عليك
انه قاموس العشك طاويني

ما عاشكتك واحنه بالطيش
.
استحيت شلون احبك من تجي تلاثيني

خلني راضي بفقري وانت ارضى بغناك
وعوف عيسى بدينه واني بديني

ولو خلاني الوكت بعت اللحاف
يعني هسه بكيفي امد رجليني

لكن ادري بدربي عن دربك بعيد
ومن صغر هذا الفرق بجاني

انت دفاك الثلج علاتموت
وانه ميت والثلج دفاني

وانت كاروك الذهب ما كفه ايديك
واني كاروك الكصب كفاني

وحتى لا احلم وامد جفي لسماك
اني وارضع كمطوا ذرعاني

وعن محبتك والله ما شدني الحديد
هذا رمشك يا ترف شداني

والله احبك والله احبك من صغري بس ما حجيت
جنت اريدك تنسعد ويه ثاني

ومن اجيت بلهفتك تسال علي
كلبي كله تمرجح بشرياني

يسلمووووو اخي العابد على هالكلمات الرائعه
بس الفقر والغنى مو مهم اذا كانو الطرفين يحبون بعض
ومتفاهمين على كلشي
تقبل مروري اختكم
لولو

شكرا لول الغالية
على مرورك الكريم وردك الجميل

شكرا خيووو العابد كلامك حلو ولولو رائعه بردها الجميل ومثل ما تفضلت لولو بكلامها الحلو الصحيح لان مو مهم الفقير والغني بس المهم الشخصين متفاهمين مع بعض وشكرا مره اخرى على ابداعك خيوووو العابد واتمنى منك الاحلى والاجدد

» مسجات اعتذار جميله