منتداالابداع الفكري في القصه اوالشعراوالمقاله

احبـــــــــــــــــــــــك

احبك مو محاجي السان احبك وانته تدريني

واحسنك نبض بالروح دم يسري بشرايني

اصيح عليك لاتبعد لا تمشي وتخليني

اشبن واشتعل واطفه وترد تشعل جوانيني

شوصفلك عظم هجرك حبيبي هواي ياذيني

ما جنك هذاك الطيف اليجعدني ويمنيني

ولا جنك هذاك انته الجنت سلوه وتسليني

شجاك وبدلت طبعك حبيبي وصرت تجفيني

شبدالك مني يمعود تعال اكعد وحاجيني

وكلي شصار من عندي ونسيت البينك وبيني

تجرعت الصبر بعدك وصبح زادي اليغذيني

تشور بالك الخبزه ونت شارب دمع عيني

تخضب جفوفك الحنه وآنه دموعي التحنيني

وتكلي انسه هوانه الراح شلون انسه شينسيني

عساهه بحظك وبختك عساك بضيعت سنيني

حتمن تصحى من نشوة غرور البيك
وتضوك بصحوتك مر الندامه
وعله عيونك يهيمن حزن الايام
وغرور البيك يتحول مملامه
عل المغرور هاك اسمع علي اشكال
وايريد بعقلك تفرزن كلامه
مثل الطير لو طار وعله شلون
يتصور الوادم مو مقامه
وهو اليزغر مقامه وهذا معروف
ويقل عد غيره كل معنه احترامه
وتصير انته بقيامه وكتك احساب
الك يحسب اذنوبك بالقيامه
اهنا تجرح كلب واهنا تبجي عيون
واهنا تذبح عشك مثل الحمامه
وانه الياما نصحتك وانته مغرور
بكثر ما خصك الله بهل الوسامه
صحيح الله الي صاغك يعني واطاك
حسن واطاك نجمه وهيه شامه
بس ما رادك الله تصير مغرور
يل ما تحمد الله على السلامه

لله على ابداعك الحلو القصيده رائعه وجميله اتمنى منك الاحلى

» منتدى الابداع الفكري في القصه او الشعر او المقال
» منتديات الابداع الفكري في القصه والشعر والمقاله
» القصه بين الملك والخادم