قصيدة المجني والجاني

موضوع: قصيدة المجني والجاني 2009-12-08, 6:57 pm

انا المجني عليه بعشكك الكذاب
انا الوطيت راسي وضاع عنواني
وانا الذليت روح للعشك وياك
اضحكلك فرح وتجوي احزاني
.

بتسم عمري الك واني نهر احزان
غركت بسفن عشكك وانتة رباني
خذت حريتي كلهه وهم مشيت وياك
وشفت سلسه بأيدي وانتة سجاني

اشوف الناس كلهه بضحك ترتاح
بس انا بضحكتي دموع بعياني
جرح نص الكلب من رد الي يداويه
اجاني بسيف غدرة بكلبي جواني

تذب عجرح ملح وما اكولن اه
واشوف الروح تبجي منك تعاني
.
وانشف دمعي انا من ضحكت وياي
اضم جرحي القديم وضني يهواني

وتالي شلون تالي ماحسبته يصير
تالي يمر علي ويكول انساني
يضن يرتوي بغيري مثل مااروي
ويضن بحضن غيري يعيش احضاني

نهرو بلايه ميه شلون كلي يصير
شنو نهرك نشف؟؟ لأنه عشك ثاني
وصفه بلام نهرك بلأفاعي يصيد
يجذف برمل بيه الضهر حاني

هذاالضلم كله وتالي حكمي عدام
حكم وبلايا قاضي عشكي وداني
حكم من الزمن صارت علي الهموم
وقهر فوك القهر من عمري شمتاني؟

تمر الضحكة لحضة والحزن بسنين
وضحكتي بلايا شفه فلان خلاني
تركلي عيوني هوة مو لأجل العيون
لأن دمعات عيني تزيد احزاني

لأن يدريني مرهف بلعشك ماتوب
البيله بعجل من جان ينخاني
اضحي بروحي لأجله من يصيح بيوم
ورغم كل هذا هوة بغدر جازاني!!

حسبتك تاج انته فوك كل الروس
وجعلتك بلقمم وبصدر ديواني
وماقصرت انته وفيت حيل وياي
وكفت يوم الي نخيتك وية عدواني

عجب والله العجاب شلون بيه الصار
يعلي فوك وانا بكاع وطاني
علة هوة وتركني بلعراء بليل
وبعد بسهام غدرة هوة لاواني

كل هذا وتكول صدقت انته وياي
وشمس حبك الي صدتهه غرباني
وانا ذاك العفت كل اهلي لأجلك يوم
وعلة كفتك فوك بكاع ميزاني

هسة وكملت ماعندي شي احجي
ولا ويايه رفيج بليل واساني
ولا بكلبي حيبه الهه عندي اشعار
بس كلي منو المجني منو الجاني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!

موضوع: رد: قصيدة المجني والجاني 2009-12-29, 9:30 am

تسلم يا غالي على الكلام الحلووو والاكثر من رائع اتمنى لك التوفيق
تقبل مروري المتواضع خيوووو العابد
اخووووك احمد

موضوع: رد: قصيدة المجني والجاني 2010-01-15, 9:33 am

الله الله على الكلام الرائع والجميل
تقبل مروري المتواضع.... تحياتي

موضوع: رد: قصيدة المجني والجاني 2010-01-17, 6:23 pm

شكرا لك اتمنى منك الاجمل والاحلى يامبدع تقبل مروري
اخووووك عاشق الصحراء

» قصيدة ( الــيــك )
» قصيدة حب شبابى وسع ياض
» قصيدة عن الصديق تجنن
» قصيدة عريان سيد خلف ( بعد لتظن )
» قصيدة غير منسية لنزار قباني